【土星模拟器】泡泡交响曲/泡泡龙2 (Bubble Symphony) 日版

恒哥

泡泡交響曲（日文：バブルシンフォニー(Baburu Shinfonī)；英文：Bubble Symphony），喺北美洲叫泡泡龍II（英文：Bubble Bobble II），係由TAITO開發嘅電子遊戲，1994年最先喺街機推出，1997年喺世嘉Saturn推出。

泡泡交響曲嘅玩法同之前嘅泡泡龍差唔多，都係要將畫面裏面所有敵人消滅。呢次加咗新嘅敵人角色，而咁多個關被分開成六個唔同嘅世界，每個世界嘅最後一關都要打大佬，同樣要飲魔法水先至能夠攻擊佢。打完一次大佬之後會出現下一個世界嘅門，通常係二揀一。
每個世界打大佬之前咁多關都隱藏住一個音符板（一個世界一隻色），儲夠三個同一隻色嘅音符板就會變出一條同顏色嘅鎖匙，要行埋去先至算真正攞到。喺第五個世界打大佬之前，要揾齊嗮四條唔同顏色嘅鎖匙，唔係就開唔到通去第六個世界嘅門，並提早出現唔好嘅結局。
喺某啲上下有窿嘅關，喺「Hurry up!」嘅警告字句出現之後，會出現其中一個透明嘅"R""O""D"泡泡（"E""X""T""E""N""D"嘅泡泡都係有底色），儲齊呢三個泡泡就會出現一支棒，泡泡龍會變返做人，而剩低嘅敵人都會被消滅。
另外，遊戲有唔同嘅TAITO遊戲角色客串出場，包括奇奇怪界系列嘅小夜同埋太空侵略者嘅大炮等等，敵人俾佢哋掂到或者擊中就會被消滅。

游客，如果您要查看本帖隐藏内容请回复

冯佳莹6

u4gwRE: 【土星模拟器】泡泡交响曲/泡泡龙2 (Bubble Symphony) 日版